Lobaparda: Música Tradicional Aragonesa

Rechistrau en l’agorrada y l’ibierno de 2007 en Marywather, Teruel, con a colaborazión alazetal d’o teunico de son Jesús Puerto,  i amanixen doze temas representatibos, per un regular, d’os cheneros más antigos d’a nuestra mosica tradizional.

Si quiers mercar o disco, demándalo en gaiteroteruel@terra.es y te lo nimbiaremos por
14 € + gastos de nimbío.

Antimás de l’equilibrio entre temas con boz y temas estrumentals, n’iste primer disco de Lobaparda cal destacar a presenzia contina d’a zinfonía, estrumento no guaire espleitau n’a mosica folk aragonesa y que Lobaparda fa serbir ta buscar una sonoridat suyiza.

Pero masiau que o disco ye muito más: a potenzia d’a percusión, os diferens sons y matizes de gaitas, chiflos y fabirols, a bersatilidat d’a curdión, a calidez d’a boz…, son recursos con os que Elena, Chabi, José Manuel y Miguel Ángel consiguen un resultau plen de fuerza expresiba y con muita más bariedat que de primeras no gosaríanos prexinar.

D’atra man, bi ha que siñalar que en iste treballo discografico han colaborau bels amigos de Lobaparda, toz els mosicos asabelo d’emponderaus n’a eszena folk d’Aragón:

• Miguel Ángel Castel, guitarra española en Tres hermanicas.
• Alejandro Reche, clarinete en Jota hurtada y clarinete baxo en Marcha de los caballeros de Azagra.
• Elena Prieto, biolín en Reinau.
• Fernando Maicas, David G. Isarría, Ángel Gil, “Fito” Rodríguez, Carlos Gargallo y Jaime Lamiel “Gosu” (Tambores de Teruel), tabals en Romance del amor ausente.
• Jaime Lamiel “Gosu”, tabal en Romance del amor ausente.
• Carlos Gargallo, tambor baxoaragonés en Marcha de los caballeros de Azagra.
• Fidel Monzón, composó a segunda boz de Marcha de los caballeros de Azagra.

A zaguerías, tamién cal acobaltar o treballo grafico reyalizau per l’equipo d’Aragón Vivo Artes Gráficas, y o poliu prelogo feito per Iñaki Peña, direutor d’o programa Trébede, de Radio 3, que en chunto con a guida d’audizión d’o libret d’o CD, a fe a fe fará onra a toz aquels que lis agane capuzar-se en l’uniberso sonoro de Lobaparda.