Idiomas
LOBAPARDA EN DIREUCTO
Lobaparda bos combida a un conzierto d’una ora y una cuartalada de durada, alto u baxo, an que podrez gustar os temas d’o suyo primer disco y belatras estrenas. Mosica tradizional aragonesa entrepetada per mosicos de güé en día que bos ofrexen a posibilidat d’ascuitar bien zerqueta romanzes d’antes más, biellas mudanzas d’os danzes monegrinos, billanos d’as sierras y semontanos d’o sur d’Aragón, y asinas-asinas…
Un conzierto ta disfrutar d’os diferens timbres d’os estrumentos que Lobaparda fa serbir n’as suyas autuazions, an que bi’n ha de momentos tranquilos y tamién momentos de rasmia n’os que ye a saber que difízil estar-ie quedo sin mober os piez.
Si querez saber o que cal menister ta un conzierto de Lobaparda, punchar aquí (rider).
D’atra man, Lobaparda tamién fa pasabillas, mercaus meyebals y conziertos didauticos ta críos de todas as edaz.